திருஅஞ்சைக்களம் (ஸ்ரீவாஞ்சிகுளம்) , அஞ்சைக்களத்தீஸ்வரர், மகாதேவர். ஆலயம்

தல வரலாறு

• பரசுராமர் தாயைக் கொன்ற பாவம் நீ¦ங்க வழபட்ட தலம்.

• இங்குள்ள நடராசர், சேரமான் பெருமான் பூசித்தது.
• வீதியின் நடுவில் உள்ளபெரிய மேடை "யானைவந்த மேடை" என்று வழங்கப்படுகிறது.
• கயிலாயத்திலிருந்து வெள்ளை யானை வந்து சுந்தரரைக் கயிலாயத்திற்கு ஏற்றிச் சென்றது வரலாறு.

சிறப்புக்கள்

• கேரள பாணியில் அமைந்த கோயில்.

• துவஜஸ்தம்பத்தில் அஷ்ட வித்யேஸ்வரர்களின் உருவங்கள் உள்ளன.
• கேரள முறையைப் பின்பற்றி இத்தலத்திலும் வெடி வெடித்துப் பிரார்த்தனை செய்யும் வழக்கமுண்டாம்.
• இங்குள்ள நடராசர் பஞ்சலோகச்சிலை; இதன் கீழ் "திருவஞ்சைக் களத்து சபாபதி" என்று எழுதப்பட்டுள்ளது.
• கிழக்கு ராஜகோபுர நுழைவாய் பக்கக்கற்சுவரில், யானை உருவங்கள், வெளியிலிருந்து கோயிலுக்குள் செல்வதுபோலவும், எதிர்சுவரில் கோயிலிலிருந்து வெளியே வருவதுபோலவும் அமைக்கப்பட்டுள்ளன. சுந்தரர், சேரமான் உருவங்களும் உள்ளன.
• சுந்தரர் கயிலை சென்ற ஆடி, சுவாதி நன்னாளன்று ஆண்டுதோறும் சுந்தரர், சேரமான் ஆகியோருக்கு அபிஷேகம் செய்து விழா கொண்டாடுகிறார்கள். இந்த ஒரு நாள் மட்டும் தமிழ்நாட்டு முறைப்படி ஆகம பூஜை செய்யப்படுகின்றது.
• இங்குள்ள மரவேலைப்பாடுகள் காணத்தக்கவை.