HolyIndia.Org
Holy India Org Add New Temple

வெஞ்சமாக்கூடல்


விகிர்த நாதேஸ்வரர் உடனுறை விகிர்தேஸ்வரி திருக்கோயில் வெஞ்சமாக்கூடல் என்ற இடத்தில் அமைந்துள்ளது .

வெஞ்சமாக்கூடல் கோயில் சுந்தரர் - 1 பாடல் பெற்றது.

வழி: கரூரில் இருந்து அரவங்குறிச்சி செல்லும் சாலையில் சுமார் 15 Km தென்மேற்கே பயணம் செய்து, பிறகு அங்கிருந்து ஒரு கிளைச் சாலயில் சுமார் 8 Km சென்றால் இந்த சிவஸ்தலத்தை அடையலாம்.

கோயில் பற்றி: கோவில் விபரங்கள்: குடகனாற்றின் கிழக்குக் கரையில் அமைந்துள்ள இந்த சிவஸ்தலம் கோவில் சுமார் 1200 ஆண்டுகள் பழமை வாய்ந்தது. இக்கோவிலில் உள்ள இறைவன் விகிர்த நாதேஸ்வரர் என்றும், இறைவி விகிர்த நாதேஸ்வரி என்றும் அறியப்படுகிறார்கள். மூலஸ்தானத்தில் உள்ள பிரதிஷ்டை செய்யப்பட்ட லிங்கம் 5 அடி உயரமும், அம்பாளின் உருவச் சிலை 2.5 அடி உயரமும் உள்ளது. தேவர்களின் அரசனாகிய இந்திரன் தனக்கு ஏற்பட்ட சாபத்தைப் போக்கிக் கொள்வதற்காக இங்கு வந்து இறைவனை வழிபட்டு சாபம் நீங்கப் பெற்றான் என்பது ஐதீகம். சுந்தரர் பாடலுக்கு மகிழ்ந்து சிவபெருமான் ஒரு கிழவராக வந்து பாடலுக்குப் பரிசு வழங்கினார் என்று இத்தலத்து வரலாறு கூறுகிறது. இக்கோவிலின் வெளிச்சுற்றுச் சுவரில் காமதேனு லிங்கத்திற்கு பால் சொரிவது போன்ற சின்னங்கள் நிறைய காணப்படுகின்றன. பாண்டியர் காலத்து கல்வெட்டுகளில் இருந்து பாண்டிய மன்னர்கள் இக்கோவிலுக்குச் செய்த தானங்களைப் பற்றி அறிந்து கொள்ளலாம்.