HolyIndia.Org
Holy India Org Add New Temple

தேவாரம்பாடல்எண்[1-8250*] கோயில் : [1-275] வார்த்தைதேடல்

1-1/612
ஒள்ளி துள்ளக் கதிக்கா மிவனொளி 
வெள்ளி யானுறை வேற்காடு 
உள்ளி யாருயர்ந் தாரிவ் வுலகினில் 
தௌ;ளி யாரவர் தேவரே.

2-1/613
ஆடல் நாகம் அசைத்தள வில்லதோர் 
வேடங் கொண்டவன் வேற்காடு 
பாடி யும்பணிந் தாரிவ் வுலகினில் 
சேட ராகிய செல்வரே.

3-1/614
பூதம் பாடப் புறங்காட் டிடையாடி 
வேத வித்தகன் வேற்காடு 
போதுஞ் சாந்தும் புகையுங் கொடுத்தவர்க் 
கேதம் எய்துத லில்லையே.

4-1/615
ஆழ்க டலெனக் கங்கை கரந்தவன் 
வீழ்ச டையினன் வேற்காடு 
தாழ்வு டைமனத் தாற்பணிந் தேத்திட 
பாழ்ப டும்மவர் பாவமே.

5-1/616
காட்டி னாலும் அயர்த்திடக் காலனை 
வீட்டி னானுறை வேற்காடு 
பாட்டி னாற்பணிந் தேத்திட வல்லவர் 
ஓட்டி னார்வினை ஒல்லையே.

6-1/617
தோலி னாலுடை மேவவல் லான்சுடர் 
வேலி னானுறை வேற்காடு 
நுலி னாற்பணிந் தேத்திட வல்லவர் 
மாலி னார்வினை மாயுமே.

7-1/618
மல்லல் மும்மதில் மாய்தர எய்ததோர் 
வில்லி னானுறை வேற்காடு 
சொல்ல வல்ல சுருங்கா மனத்தவர் 
செல்ல வல்லவர் தீர்க்கமே.

8-1/619
மூரல் வெண்மதி சூடு முடியுடை 
வீரன் மேவிய வேற்காடு 
வார மாய்வழி பாடு நினைந்தவர் 
சேர்வர் செய்கழல் திண்ணமே.

9-1/620
பரக்கி னார்படு வெண்டலை யிற்பலி 
விரக்கி னானுறை வேற்காட்^ர் 
அரக்கன் ஆண்மை யடரப் பட்டானிறை 
நெருக்கி னானை நினைமினே.

10-1/621
மாறி லாமல ரானொடு மாலவன் 
வேற லானுறை வேற்காடு 
ஈறி லாமொழி யேமொழி யாயெழில் 
கூறி னார்க்கில்லை குற்றமே.

11-1/622
விண்ட மாம்பொழில் சூழ்திரு வேற்காடு 
கண்டு நம்பன் கழல்பேணிச் 
சண்பை ஞானசம் பந்தன செந்தமிழ் 
கொண்டு பாடக் குணமாமே.
Thiruvidaivoi