HolyIndia.Org
Holy India Org Add New Temple

தேவாரம்பாடல்எண்[1-8250*] கோயில் : [1-275] வார்த்தைதேடல்

1-1/580
பூத்தேர்ந் தாயன கொண்டுநின் பொன்னடி 
ஏத்தா தாரில்லை யெண்ணுங்கால் 
ஓத்தூர் மேய வொளிமழு வாள்அங்கைக் 
கூத்தீ ரும்ம குணங்களே.

2-1/581
இடையீர் போகா இளமுலை யாளையோர் 
புடையீ ரேபுள்ளி மானுரி 
உடையீ ரேயும்மை யேத்துதும் ஓத்தூர்ச் 
சடையீ ரேயும தாளே.

3-1/582
உள்வேர் போல நொடிமையி னார்திறம் 
கொள்வீ ரல்குலோர் கோவணம் 
ஒள்வா ழைக்கனி தேன்சொரி யோத்தூர்க் 
கள்வீ ரேயும காதலே.

4-1/583
தோட்டீ ரேதுத்தி யைந்தலை நாகத்தை 
ஆட்டீ ரேயடி யார்வினை 
ஓட்டீ ரேயும்மை யேத்துதும் ஓத்தூர் 
நாட்டீ ரேயருள் நல்குமே.

5-1/584
குழையார் காதீர் கொடுமழு வாட்படை 
உழையாள் வீர்திரு வோத்தூர் 
பிழையா வண்ணங்கள் பாடிநின் றாடுவார் 
அழையா மேயருள் நல்குமே.

6-1/585
மிக்கார் வந்து விரும்பிப் பலியிடத் 
தக்கார் தம்மக்க ளீரென் 
றுட்கா தாருள ரோதிரு வோத்தூர் 
நக்கீ ரேயருள் நல்குமே.

7-1/586
தாதார் கொன்றை தயங்கு முடியுடை 
நாதா என்று நலம்புகழ்ந் 
தோதா தாருள ரோதிரு வோத்தூர் 
ஆதீ ரேயருள் நல்குமே.

8-1/587
என்றா னிம்மலை யென்ற அரக்கனை 
வென்றார் போலும் விரலினால் 
ஒன்றார் மும்மதி லெய்தவ னோத்தூர் 
என்றார் மேல்வினை யேகுமே.

9-1/588
நன்றா நால்மறை யானொடு மாலுமாய்ச் 
சென்றார் போலுந் திசையெலாம் 
ஒன்றா யொள்ளெரி யாய்மிக வோத்தூர் 
நின்றீ ரேயுமை நேடியே.

10-1/589
கார மண்கலிங் கத்துவ ராடையர் 
தேரர் சொல்லவை தேறன்மின் 
ஓரம் பாலெயி லெய்தவ னோத்தூர்ச் 
சீர வன்கழல் சேர்மினே.

11-1/590
குரும்பை யாண்பனை யின்குலை யோத்தூர் 
அரும்பு கொன்றை யடிகளைப் 
பெரும்பு கலியுள் ஞானசம் பந்தன்சொல் 
விரும்பு வார்வினை வீடே.
Thiruvidaivoi