HolyIndia.Org
Holy India Org Add New Temple

தேவாரம்பாடல்எண்[1-8250*] கோயில் : [1-275] வார்த்தைதேடல்

1-3/3118
பைத்தபாம் போடரைக் கோவணம் பாய்புலி 
மொய்த்தபேய் கண்முழக் கம்முது காட்டிடை 
நித்தமா கந்நட மாடிவெண் ணீறணி 
பித்தர்கோ யில்லர தைப்பெரும் பாழியே.

2-3/3119
கயலசே லகருங் கண்ணியர் நாடொறும் 
பயலைகொள் ளப்பலி தேர்ந்துழல் பான்மையார் 
இயலைவா னோர்நினைந் தோர்களுக் கெண்ணரும் 
பெயரர்கோ யில்லர தைப்பெரும் பாழியே.

3-3/3120
கோடல்சா லவ்வுடை யார்கொலை யானையின் 
மூடல்சா லவ்வுடை யார்முளி கானிடை 
ஆடல்சா லவ்வுடை யாரழ காகிய 
பீடர்கோ யில்லர தைப்பெரும் பாழியே.

4-3/3121
மண்ணர்நீ ரார்அழ லார்மலி காலினார் 
விண்ணர்வே தம்விரித் தோதுவார் மெய்ப்பொருள் 
பண்ணர்பா டலுடை யாரொரு பாகமும் 
பெண்ணர்கோ யில்லர தைப்பெரும் பாழியே.

5-3/3122
மறையர்வா யின்மொழி மானொடு வெண்மழுக் 
கறைகொள்சூ லம்முடைக் கையர்கா ரார்தரும் 
நறைகொள்கொன் றைநயந் தார்தருஞ் சென்னிமேல் 
பிறையர்கோ யில்லர தைப்பெரும் பாழியே.

6-3/3123
புற்றர வம்புலித் தோலரைக் கோவணந் 
தற்றிர வில்நட மாடுவர் தாழ்தரு 
சுற்றமர் பாரிடந் தொல்கொடி யின்மிசைப் 
பெற்றர்கோ யில்லர தைப்பெரும் பாழியே.

7-3/3124
துணையிறுத் தஞ்சுரி சங்கமர் வெண்பொடி 
இணையிலேற் றையுகந் தேறுவ ரும்மெரி 
கணையினால் முப்புரஞ் செற்றவர் கையினில் 
பிணையர்கோ யில்லர தைப்பெரும் பாழியே.

8-3/3125
சரிவிலா வல்லரக் கன்தடந் தோள்தலை 
நெரிவிலா ரவ்வடர்த் தார்நெறி மென்குழல் 
அரிவைபா கம்மமர்ந் தாரடி யாரொடும் 
பிரிவில்கோ யில்லர தைப்பெரும் பாழியே.

9-3/3126
வரியரா என்பணி மார்பினர் நீர்மல்கும் 
எரியரா வுஞ்சடை மேற்பிறை யேற்றவர் 
கரியமா லோடயன் காண்பரி தாகிய 
பெரியர்கோ யில்லர தைப்பெரும் பாழியே.

10-3/3127
நாணிலா தசமண் சாக்கியர் நாடொறும் 
ஏணிலா தம்மொழி யவ்வெழி லாயவர் 
சேணுலா மும்மதில் தீயெழச் செற்றவர் 
பேணுகோ யில்லர தைப்பெரும் பாழியே.

11-3/3128
நீரினார் புன்சடை நிமலனுக் கிடமெனப் 
பாரினார் பரவர தைப்பெரும் பாழியைச் 
சீரினார் காழியுள் ஞானசம் பந்தன்செய் 
ஏரினார் தமிழ்வல்லார்க் கில்லையாம் பாவமே.
Thiruvidaivoi