HolyIndia.Org
Holy India Org Add New Temple

தேவாரம்பாடல்எண்[1-8250*] கோயில் : [1-275] வார்த்தைதேடல்

1-4/4324
எத்தீ புகினும் எமக்கொரு தீதிலை 
தெத்தே யெனமுரன் றெம்முள் உழிதர்வர் 
முத்தீ யனையதோர் மூவிலை வேல்பிடித் 
தத்தீ நிறத்தார் அரநெறி யாரே.

2-4/4325
வீரமும் பூண்பர் விசயனொ டாயதோர் 
தாரமும் பூண்பர் தமக்கன்பு பட்டவர் 
பாரமும் பூண்பர்நற் பைங்கண் மிளிரர 
வாரமும் பூண்பர் அரநெறி யாரே.

3-4/4326
தஞ்சவண் ணத்தர் சடையினர் தாமுமோர் 
வஞ்சவண் ணத்தர்வண் டார்குழ லாளொடுந் 
துஞ்சவண் ணத்தர்துஞ் சாதகண் ணார்தொழும் 
அஞ்சவண் ணத்தர் அரநெறி யாரே.

4-4/4327
விழித்தனர் காமனை வீழ்தர விண்ணின் 
றிழித்தனர் கங்கையை யேத்தினர் பாவங் 
கழித்தனர் கல்சூழ் கடியரண் மூன்றும் 
அழித்தனர் ஆரூர் அரநெறி யாரே.

5-4/4328
துற்றவர் வெண்டலை யிற்சுருள் கோவணந் 
தற்றவர் தம்வினை யானவெல் லாமற 
அற்றவர் ஆரூர் அறநெறி கைதொழ 
உற்றவர் தாமொளி பெற்றனர் தாமே.

6-4/4329
கூடர வத்தர் குரற்கிண் கிணியடி 
நீடர வத்தர்முன் மாலை யிடையிருள் 
பாடர வத்தர் பணமஞ்சு பைவிரித் 
தாடர வத்தர் அரநெறி யாரே.

7-4/4330
கூடவல் லார்குறிப் பில்லுமை யாளொடும் 
பாடவல் லார்பயின் றந்தியுஞ் சந்தியும் 
ஆடவல் லார்திரு வாரூர் அரநெறி 
நாடவல் லார்வினை வீடவல் லாரே.

8-4/4331
பாலை நகுபனி வெண்மதி பைங்கொன்றை 
மாலையுங் கண்ணியு மாவன சேவடி 
காலையு மாலையுங் கைதொழு வார்மனம் 
ஆலயம் ஆரூர் அரநெறி யார்க்கே.

9-4/4332
முடிவண்ணம் வானமின் வண்ணந்தம் மார்பிற் 
பொடிவண்ணந் தம்புக |ர்தியின் வண்ணம் 
படிவண்ணம் பாற்கடல் வண்ணஞ்செஞ் ஞாயி 
றடிவண்ணம் ஆரூர் அரநெறி யார்க்கே.

10-4/4333
பொன்னவில் புன்சடை யானடி யின்னிழல் 
இன்னருள் சூடியௌ; காதுமி ராப்பகல் 
மன்னவர் கின்னரர் வானவர் தாந்தொழும் 
அன்னவர் ஆரூர் அரநெறி யாரே.

11-4/4334
பொருள்மன் னனைப்பற்றிப் புட்பகங் கொண்ட 
மருள்மன் னனையெற்றி வாளுட னீந்து 
கருள்மன் னுகண்டங் கறுக்க நஞ்சுண்ட 
அருள்மன்னர் ஆரூர் அரநெறி யாரே.
Thiruvidaivoi