HolyIndia.Org
Holy India Org Add New Temple

தேவாரம்பாடல்எண்[1-8250*] கோயில் : [1-275] வார்த்தைதேடல்

1-1/515
நுலடைந்த கொள்கையாலே நுன்னடி கூடுதற்கு 
மாலடைந்த நால்வர்கேட்க நல்கிய நல்லறத்தை 
ஆலடைந்த நீழல்மேவி யருமறை சொன்னதென்னே 
சேலடைந்த தண்கழனிச் சேய்ஞலூர் மேயவனே.

2-1/516
நீறடைந்த மேனியின்கண் நேரிழையா ளொருபால் 
கூறடைந்த கொள்கையன்றிக் கோலவளர் சடைமேல் 
ஆறடைந்த திங்கள்சூடி யரவம் அணிந்ததென்னே 
சேறடைந்த தண்கழனிச் சேய்ஞலூர் மேயவனே.

3-1/517
ஊனடைந்த வெண்டலையி னோடுபலி திரிந்து 
கானடைந்த பேய்களோடு பூதங் கலந்துடனே 
மானடைந்த நோக்கிகாண மகிழ்ந்தெரி யாடலென்னே 
தேனடைந்த சோலைமல்கு சேய்ஞலூர் மேயவனே.

4-1/518
வீணடைந்த மும்மதிலும் வில்மலை யாவரவின் 
நாணடைந்த வெஞ்சரத்தால் நல்லெரி ய[ட்டலென்னே 
பாணடைந்த வண்டுபாடும் பைம்பொழில் சூழ்ந்தழகார் 
சேணடைந்த மாடம்மல்கு சேய்ஞலூர் மேயவனே.

5-1/519
பேயடைந்த காடிடமாப் பேணுவ தன்றியும்போய் 
வேயடைந்த தோளியஞ்ச வேழம் உரித்ததென்னே 
வாயடைந்த நான்மறையா றங்கமோ டைவேள்வித் 
தீயடைந்த செங்கையாளர் சேய்ஞலூர் மேயவனே.

6-1/520
காடடைந்த ஏனமொன்றின் காரண மாகிவந்து 
வேடடைந்த வேடனாகி விசயனொ டெய்ததென்னே 
கோடடைந்த மால்களிற்றுக் கோச்செங்க ணாற்கருள்செய் 
சேடடைந்த செல்வர்வாழுஞ் சேய்ஞலூர் மேயவனே.

7-1/521
பீரடைந்த பாலதாட்டப் பேணா தவன்தாதை 
வேரடைந்து பாய்ந்ததாளை வேர்த்தடிந் தான்றனக்குத் 
தாரடைந்த மாலைசூட்டித் தலைமை வகுத்ததென்னே 
சீரடைந்த கோயில்மல்கு சேய்ஞலூர் மேயவனே.

8-1/522
மாவடைந்த தேரரக்கன் வலிதொலை வித்தவன்றன் 
நாவடைந்த பாடல்கேட்டு நயந்தருள் செய்ததென்னே 
பூவடைந்த நான்முகன்போற் பூசுரர் போற்றிசெய்யுஞ் 
சேவடைந்த ஊர்தியானே சேய்ஞலூர் மேயவனே.

9-1/523
காரடைந்த வண்ணனோடு கனக மனையானும் 
பாரிடந்தும் விண்பறந்தும் பாத முடிகாணார் 
சீரடைந்து வந்துபோற்றச் சென்றருள் செய்ததென்னே 
தேரடைந்த மாமறுகிற் சேய்ஞலூர் மேயவனே.

10-1/524
மாசடைந்த மேனியாரும் மனந்திரி யாதகஞ்சி 
நேசடைந்த ஊணினாரும் நேசமி லாததென்னே 
வீசடைந்த தோகையாட விரைகமழும் பொழில்வாய்த் 
தேசடைந்த வண்டுபாடுஞ் சேய்ஞலூர் மேயவனே.

11-1/525
சேயடைந்த சேய்ஞலூரிற் செல்வன சீர்பரவித் 
தோயடைந்த தண்வயல்சூழ் தோணி புரத்தலைவன் 
சாயடைந்த ஞானமல்கு சம்பந்தன் இன்னுரைகள் 
வாயடைந்து பாடவல்லார் வானுல காள்பவரே.
Thiruvidaivoi