HolyIndia.Org
Holy India Org Add New Temple

தேவாரம்பாடல்எண்[1-8250*] கோயில் : [1-275] வார்த்தைதேடல்

1-7/7794
ஊர்வ தோர்விடை ஒன்றுடை யானை 
 ஒண்ணு தல்தனிக் கண்ணுத லானைக் 
கார தார்கறை மாமிடற் றானைக் 
 கருத லார்புரம் மூன்றெரித் தானை 
நீரில் வாளை வரால்குதி கொள்ளும் 
 நிறைபு னற்கழ னிச்செல்வ நீ^ர்ப் 
பாரு ளார்பர வித்தொழ நின்ற 
 பரம னைப்பணி யாவிட லாமே.

2-7/7795
துன்னு வார்சடைத் தூமதி யானைத் 
 துயக்கு றாவகை தோன்றுவிப் பானைப் 
பன்னு நான்மறை பாடவல் லானைப் 
 பார்த்த னுக்கருள் செய்தபி ரானை 
என்னை இன்னருள் எய்துவிப் பானை 
 ஏதி லார்தமக் கேதிலன் றன்னைப் 
புன்னை மாதவி போதலர் நீ^ர்ப் 
 புனித னைப்பணி யாவிட லாமே.

3-7/7796
கொல்லும் மூவிலை வேலுடை யானைக் 
 கொடிய காலனை யுங்குமைத் தானை 
நல்ல வாநெறி காட்டுவிப் பானை 
 நாளும் நாம்உகக் கின்ற பிரானை 
அல்ல லில்லரு ளேபுரி வானை 
 ஆடு நீர்வயல் சூழ்புனல் நீ^ர்க் 
கொல்லை வெள்ளெரு தேறவல் லானைக் 
 கூறி நாம்பணி யாவிட லாமே.

4-7/7797
தோடு காதிடு தூநெறி யானைத் 
 தோற்ற முந்துறப் பாயவன் றன்னைப் 
பாடு மாமறை பாடவல் லானைப் 
 பைம்பொ ழிற்குயில் கூவிட மாடே 
ஆடு மாமயில் அன்னமோ டாட 
 அலைபு னற்கழ னித்திரு நீ^ர் 
வேட னாயபி ரானவன் றன்னை 
 விரும்பி நாம்பணி யாவிட லாமே.

5-7/7798
குற்ற மொன்றடி யாரிலர் ஆனாற் 
 கூடு மாறத னைக்கொடுப் பானைக் 
கற்ற கல்வியி லும்மினி யானைக் 
 காணப் பேணும வர்க்கெளி யானை 
முற்ற அஞ்சுந் துறந்திருப் பானை 
 மூவ ரின்முத லாயவன் றன்னைச் 
சுற்று நீள்வயல் சூழ்திரு நீ^ர்த் 
 தோன்ற லைப்பணி யாவிட லாமே.

6-7/7799
காடில் ஆடிய கண்ணுத லானைக் 
 கால னைக்கடிந் திட்டபி ரானைப் 
பாடி ஆடும்பரி சேபுரிந் தானைப் 
 பற்றி னோடுசுற் றம்மொழிப் பானைத் 
தேடி மாலயன் காண்பரி யானைச் 
 சித்த முந்தெளி வார்க்கெளி யானைக் 
கோடி தேவர்கள் கும்பிடு நீ^ர்க் 
 கூத்த னைப்பணி யாவிட லாமே.

7-7/7800
விட்டி லங்கெரி யார்கையி னானை 
 வீடி லாதவி யன்புக ழானைக் 
கட்டு வாங்கந் தரித்தபி ரானைக் 
 காதி லார்கன கக்குழை யானை 
விட்டி லங்குபுரி நுலுடை யானை 
 வீந்த வர்தலை யோடுகை யானைக் 
கட்டி யின்கரும் போங்கிய நீ^ர்க் 
 கண்டு நாம்பணி யாவிட லாமே.

8-7/7801
மாய மாய மனங்கெடுப் பானை 
 மனத்து ளேமதி யாய்இருப் பானைக் 
காய மாயமும் ஆக்குவிப் பானைக் 
 காற்று மாய்க்கன லாய்க்கழிப் பானை 
ஓயு மாறுரு நோய்புணர்ப் பானை 
 ஒல்லை வல்வினை கள்கெடுப் பானை 
வேய்கொள் தோள்உமைப் பாகனை நீ^ர் 
 வேந்த னைப்பணி யாவிட லாமே.

9-7/7802
கண்ட முங்கறுத் திட்டபி ரானைக் 
 காணப் பேணும வர்க்கெளி யானைத் 
தொண்ட ரைப்பெரி தும்முகப் பானைத் 
 துன்ப முந்துறந் தின்பினி யானைப் 
பண்டை வல்வினை கள்கெடுப் பானைப் 
 பாக மாமதி யாயவன் றன்னைக் 
கெண்டை வாளை கிளர்புனல் நீ^ர்க் 
 கேண்மை யாற்பணி யாவிட லாமே.

10-7/7803
அல்லல் உள்ளன தீர்த்திடு வானை 
 அடைந்த வர்க்கமு தாயிடு வானைக் 
கொல்லை வல்லர வம்மசைத் தானைக் 
 கோல மார்கரி யின்னுரி யானை 
நல்ல வர்க்கணி யானவன் றன்னை 
 நானுங் காதல்செய் கின்றபி ரானை 
எல்லி மல்லிகை யேகமழ் நீ^ர் 
 ஏத்தி நாம்பணி யாவிட லாமே.

11-7/7804
பேரோர் ஆயிர மும்முடை யானைப் 
 பேரி னாற்பெரி தும்மினி யானை 
நீரூர் வார்சடை நின்மலன் றன்னை 
 நீ^ர் நின்றுகந் திட்டபி ரானை 
ஆரூ ரன்னடி காண்பதற் கன்பாய் 
 ஆத ரித்தழைத் திட்டவிம் மாலை 
பாரூ ரும்பர வித்தொழ வல்லார் 
 பத்த ராய்முத்தி தாம்பெறு வாரே.
Thiruvidaivoi